It-2 Ħadd tal-Għid - Sena B
AQRA L-KELMA - Il-liturġija tal-Kelma
L-EWWEL QARI
Qari mill-Ktieb tal-Atti tal-Appostli (4:32-35)
Il-kotra kbira ta’ dawk li emmnu kienu qalb waħda u ruħ waħda. Ħadd minnhom ma kien jgħid li l-ġid li kellu kien tiegħu, iżda kellhom kollox flimkien.
B’qawwa kbira l-appostli kienu jagħtu xhieda tal-qawmien tal-Mulej Ġesù, u kulħadd kien iġibhom ħafna.
Ħadd minnhom ma kien jonqsu xejn; għax kull min kellu oqsma jew djar kien ibigħhom, u l-flus li jdaħħal minnhom kien imur iqegħedhom f’riġlejn l-appostli. Imbagħad kien jitqassam kollox skont il-ħtieġa ta’ kull wieħed.
Il-Kelma tal-Mulej. Irroddu ħajr lil Alla.
IFHEM IL-KELMA - Kummenti dwar il-qari
- AUDIO -
GĦIX IL-KELMA - Il-Kalendarju Liturġiku tal-ġimgħa
It-tieni ġimgħa tas-Salterju
■ It-Tnejn 8 ta’ April: It-Tħabbira tal-Mulej (ST). Qari: Isaija 7:10-14; 8:10; Salm 39:7-11; Lhud 10:4-10; Luqa 1:26-38.
■ It-Tlieta 9 ta’ April: Ferja tal-Għid. Qari: Atti 4:32-37; Salm 92:1-2.5; Ġwanni 3:7b-15.
■ L-Erbgħa 10 ta’ April: Ferja tal-Għid. Qari: Atti 5:17-26; Salm 33:2-9; Ġwanni 3:16-21.
■ Il-Ħamis 11 ta’ April: San Stanislaw, isqof u martri (TO). Qari: Atti 5:27-33; Salm 33:2.9:17-20; Ġwanni 3:31-36.
■ Il-Ġimgħa 12 ta’ April: Ferja tal-Għid. Qari: Atti 5:34-42; Salm 26:1.4.13-14; Ġwanni 6:1-15.
■ Is-Sibt 13 ta’ April: Ferja tal-Għid / San Martin I, papa u martri (T). Qari: Atti 6:1-7 Salm 32:1-2.4-5.18-19; Ġwanni 6:16-21.
ST = Solennità Trasferita; TO = Tifkira Obbligatorja; T = Tifkira.
Il-kulur ħdejn id-data jindika l-kulur liturġiku tal-ġurnata.